Please login to verify this Profile
WE
Wael El Qattan
ذكر.
Lives in Egypt.
Born on April 1, 1984.
Verification
قضية قانوني تحتاج الى الحل
( اعمال المحامي المبتدئ )
السلام عليكم ورحمة الله وبركاته :)
في البوست ده هنتكم مع المحامي المبتدئ .. هنوضحله دوره ايه في فترة التدريب .. علشان اللي لسه منزلش المهنة يكون فاهم هو ايه الاعمال المطلوب انجازها .. ولو نزل بقاله فترة البوست ده هيرتبله دماغه بشكل متميز ?
وعلشان الصورة تكون واضحة .. اعمال المحامي بتنحصر في مكانين فقط :
المحاكم
المكتب
اولا : المحاكم :
طبعا كلنا عارفين ان المحامي دوره وطبيعة عمله مش بتنحصر في المحاكم وفقط .. لا ده فيه مصالح حكومية ومؤسسات وهيئات علي اختلاف انواعها المحامي له دور فيها لكننا هنتكم فقط عن المحاكم لان اغلب الشغل للمحامي المبتدئ بيكون فيها ولانها تشمل شقين هنتكلم فيهم علي سبيل الحصر .
1️⃣ الحضور امام القضاه ووكلاء النيابة
يمكن اكثر دور من الصعب ان ينوب فيه غير المحامي عن المحامي هو الحضور امام القضاء في الجلسات وتحقيقات النيابة .
?من اهم اعمال المحامي علي الاطلاق هو الإنابة في حضور الجلسات .
طبعا المحامي المبتدئ الاستاذ بيكون مسلمه نوتة إنابة بيكون مكتوب فيها رقم الدعوي واسماء الخصوم ونبذة مختصرة عن الدعوي وطبعا في الاخر الطلبات المراد إثباتها في محضر الجلسة .
دور المحامي فقط انه ينوب عن الاستاذ .. طبعا طبيعة كل جلسة بتختلف عن الاخري .. لذلك هتجد ان الاستاذ في البداية بيعطي للمحامي جلسات بسيطة لكسر هيبة الوقوف امام المنصة .. ومع الوقت بيكون في إنابة اكثر دقة في جلسات مهمة لقضايا كبيرة وده بيتوقف علي قدرة المحامي الشاب في اثبات لباقته وحسن مظهره وايجاده فن المرافعة .
احتياجاتها :
نوتة إنابة
التوكيل
الاعلانات
الحوافظ إن وجد
? حضور تحقيقات النيابة والتجديدات وغرف المشورة بتكون نموذج مصغر لكنها محورية جدا .. وبيكون فيها ايضا انابة من الاستاذ للمحامي وبتعتمد علي نفس الامر ونفس الامور في الجلسات .
طبعا الامر فيها بيكون له هيبة بتتكسر مع الممارسة .. وايجادة فن الحضور امام سلطات التحقيق .
احتياجاتها :
نوتة إنابة
دمغة إن لم تسدد
2️⃣ انهاء الاجراءات الادارية ومتابعتها
هنا بقي الامر متشعب شوية .. وله اكثر من شكل .. بس اجمالا الامر لا يخرج عن :
? قيد الدعاوي : رفع الدعاوي وتحريكها
? المستخرجات : شهادات - احكام - وغيرها ,,
? الاعلانات : استلام وتسلم الاعلانات بارقامها
? الاستعلامات : معرفة قرارات الجلسات والاحكام
? الاجراءات : معارضات - استئنافات - وغيرها ,,
دول الخمس اساسيات في الاعمال الادارية كلها .. وكل حاجة فيهم ليها تفاصيل جواها مع الوقت هتعرفها .
احتياجاتها :
معرفة المطلوب انجازه بدقع
اصل توكيل المحامي والموكل
رسوم الاجراء إن وجد
ملاحظة :
عايزك قبل ما تنزل المحكمة تعرف ان المحامي مش ساعي للمكتب .. ولازم تتاكد ان دورك واعمالك ممكن تشوفها بسيطة بس استاذك كان في يوم مكانك بيتعلم وكل المحامين الأكابر كانت في موقفك .. ده بداية الطريق كن فيها قوي وحاول تلم اكبر قدر من المعرفة بالاجراءات علشان مكتبك بكرة .
ثانيا : المكتب :
طبيعة اعمال المحامي في المكتب في الغالب بتكون إما استقبال الموكلين او تجهيز الشغل ومتابعة السابق منه .. وبما ان المحامي المبتدئ لسه مبقاش جزء من الكيان .. فاستقبال الموكلين بتكون مهمة الاستاذ وحده علشان كدة مش هنتكلم عليها .. هنتكلم فقط عن تجهيز الاعمال ومتابعتها .
1️⃣ استقبال الموكلين والاتفاق علي الاتعاب
2️⃣ تجهيز الاعمال ومتابعة السابق منها
? دراسة الدعاوي وقراءة قوانينها الحاكمة
? كتابة الصيغ والعرائض والمذكرات وطباعتها
? تجهيز الحوافظ والمستندات لقيد الدعاوي والجلسات
? تدوين القرارات وارقام الاعلانات والتوكيلات
? ترتيب ملفات القضايا وعرض مستجداتها
الخمس اعمال دول هم اساسيات شغل المكتب .. وفي الغالب مش بتخرج عنها .. يعني انت كمحامي مبتدئ يوم ما تنزل شغل في اي مكتب .. هيكون دورك منحصر في الخمس اعمال دول بشكل كبير جدا .
طبعا لكل مكتب فلسفته وطبيعة خاصة لكن الجميع يشترك في الخمس اعمال بشكل او بآخر .. فقط عليك تعرف طبيعة العمل بيتم ازاي علشان تكون مرتاح وانت بتقوم بعملك .
.
البوست ده حاولنا نضع للمحامي المبتدئ فيه كل ما يحتاج معرفته بشكل دقيق .. وعلي الرغم من بساطة المحتوي إلا انه فعلا مهم لكل محامي ناوي يخوض غمار المحاماه بكل نجاح وثقة ?
نتمني لحضراتكم دوام التوفيق .. وانتظرونا في بوستات قادمة ⚖️
#جدول_عام
#منصة_تعليمية
#شباب_المحامين
5 people اعجبت بهذا
Loay SolimanLS
Loay Soliman
رائع
اعجاب
February 8, 2020