Please login to verify this Profile
WE
Wael El Qattan
ذكر.
Lives in Egypt.
Born on April 1, 1984.
Verification
قضية قانوني تحتاج الى الحل
طريقة مذاكرة المحامي المبتدىء
مساء الخير زملائي الاعزاء??
( بوست انهارده من أهم البوستات اللي كتبتها ان مكنش اهم واحد فيهم)
موضوع انهارده غاية في الاهمية لما له من تأثير قوي علي مشوارك المهني كمحام متميز.
وهو سؤال كلنا سألناه لآنفسنا في بداية العمل بالمحاماه ؟؟؟؟
( ازاي اذاكر القانون وابدأ القراءه من اي كتب واية اكتر الكتب افادة وعملية ؟؟)
من وجهة نظري -تجربتي الشخصية -ان القراءه العامة في كتب القانون دون هدف محدد تسبب جزء من الاحباط وعدم وضوح الرؤية بالاضافة الي التحصيل الضعيف والنسيان في كثير من الاحيان. (طب ليه بيحصل كده؟ ؟؟؟؟)
علشان القراءه هنا دون تطبيق تعتبر قراءه افتراضية نسبياً وده هياخدنا لاول طريقة في المذاكره الفعالة والتطوير القانوني الاكاديمي والعملي التطبيقي علشان كلنا نفسنا نوصل لاحساس ادراك القانون بنصوصه وبشكل احترافي (بعيداً عن فهلوة الاجراءات اللي اي حد ممكن يتعلمها حتي لو كان غير دراس للقانون)
طيب علشان ميبقاش فيه اطالة
هقول لحضرتك جزء من طريقتي ومنهجي الشخصي في المذاكرة القانونية الفعالة اللي بتخليني اشعر بالتقدم الملحوظ من اول يوم استخدمتها بل من اول ساعتين مذاكرة.
ارجوك اعرني انتباهك جيدا ⭕️⭕️
اولا : كل واحد من حضراتكم بيشتغل في مكتب يوجد به عدد كثير من القضايا المنتهيه والمنظورة ايضاً, حضرتك علشان الافادة العملية اللي احنا بنسعي من اجلها لازم نستفيد بالكنز ده طب ازاي ؟؟
حضرتك هتجيب ملف اي دعوي منتهي ويكون كسبان
وفي وقت فراغك في المكتب هتذاكره كالاتي
1- هتفتح ملف الدعوي وتكتب ورقة خارجية بكل محتوياته ( علشان تبقي عارف كويس المستندات المطلوبة في مثل هذه الدعوي علشان لما تيجي تشتغلها بشكل شخصي تبقي مرتب وعارف ادواتك )
2- (اهم خطوة) ??- حضرتك هتجيب صحيفة الدعوي وتقرأها كويس اوي وتستخرج كل نصوص المواد المستند إليها في الدعوي وتحفظ ارقام المواد كويس اوي في مواد هتلاقيها سهلة ومفهومة و مواد صعبة وكأنها طلاسم , عادي جدا المواد الصعبة حضرتك هتجيب كتاب الشرح بتاعها من المكتبة
( الكتاب اللي هو أكثر من 1000 صفحة ده وتحس انة بحر كبير ?)
بس المره دي انت بتفتحه علشان حاجة محددة وخاصة بنزاع واقعي ملفه تحت ايدك وكمان قضية كسبانة والوقائع في دماغك وتدور علي المادة في فهرس الكتاب وتعرف شرحها وتفهمه هتلاقي الموضوع سهل وبسيط.
مثال:- وحضرتك بتقرأ صحيفة دعوي صحة التوقيع هتلاقي الاستناد هيبقي علي المادة 45 من قانون الاثيات, حضرتك هتجيب كتاب شرح قانون الاثبات وتطلع علي شرح المادة وتفهمه وبكده انت انهيت مهمتك بخصوص النص من حيث الفهم والتطبيق والحفظ كمان .
وكذلك الطريقة ولما تخلص ملف الدعوي (اكيد مش في يوم خد وقتك ) هتلاقي نفسك بتمتلك خبرة علمية وعملية محددة في نوع دعوي معين بنصوص المواد في دماغك. تخيل بعد كده النزاع ده موكل أثارة قدامك هتبقي فعلا موسوعة في النزاع ده وهتحس بالاحترافية في ادائك.
وكذلك الامر مع كل دعوي تخيل في خلال ثلاث شهور وعلي حسب مجهودك بقيت عندك حصيلة كبيرة جدا من الدعاوي بشغلها العملي والنصوص القانونية الخاصة بيها , ساعتها بس هتحس أنك محامي عن علم فعلا ومتمكن ( بمعرفتك للقانون) ولو حبيت تروح تعمل انترفيو في مكتب كبير وسألك نوع القضايا اللي اشتغلتها تخيل رد حضرتك هيكون احترافي ازاي بنصوص القانون بقي والشرح لو سألك .
وأخيرا حابب أقول ان لكل شخص اسلوبة ومنهجة الخاص في الدراسة والبحث وانا حبيت اشاركم طريقتي لعلها تفيد حضراتكم.
وياريت لو حد من الزملاء عنده رؤية اخري او تعقيب يكون ليا الشرف ..??
#جدول_عام
#منصة_تعليمية
#شباب_المحامين
4 people اعجبت بهذا