#هام_جدا عندما أجد زميل يقول لي : - هو لما أنا أطلب مبلغ كبير في قضية لن تأخذ مني مجهود كثير في العمل مش ده حرام ؟؟ و زميل أخير يقول لي : - أنا بعطي الإستشارة القانونية مجانا علشان مفيهاش مجهود أنا قاعد على المكتب و قولت كلمتين معقول أطلب فلوس مقابل كلام !! أنا فقط هحكي موقفين علشان نعرف إيه قيمة العلم و الخبرة .. ** الموقف الأول لشيخنا الجليل محمد متولي الشعراوي : في إحدى اللقاءات سأله المذيع ؟ يا شيخنا لما الواحد يروح لميكانيكي علشان يصلح السيارة و الميكانيكي يفتح الكبوت و يربط مسمار في دقيقة و يطلب ٥٠ جنيه ده مش حرام ؟ - أسمع العالم الجليل قال له إيه : الخمسين جنية دي مش علشان ربطة المسمار الخمسين جنيه دي مقابل حجات تانية كثيرة مقابل إزاى و هو طفل كان بيتمرمط من ورشة لورشة علشان يتعلم .. مقابل نومته على الأرض لساعات تحت العربيات و يتشحم و يتوسخ علشان يتعلم .. مقابل الضرب اللي كان بياكله من الأسطى بتاعه لما كان يغلط علشان ميغلطش تاني .. كل الحجات دي علمته و جعلته أسطى كبير و شاطر يعرف العطل في ثواني .. يعني من الآخر إنت دفعت ثمن علمه و خبرته كنت ممكن تروح لميكانيكي آخر معندوش خبره يبهدل لك السيارة و تدفع أضعاف الخمسين جنيه بسبب جهله .... ** الموقف الثاني مع ميكانيكي في أوروبا : كان هناك رجل يمتلك جرار أو محراث موديل قديم جدا جدا حدث به عطل و لم يعد الموتور يدور نهائيا مر على هذا العطل أكثر من أحد عشر ميكانيكي محترف و لم يستطع أحد تصليحه و لم يستطيعوا حتى الوصول لسبب العطل .. حتى دله أحدهم على ميكانيكي كبير جدا في السن تخطى التسعون عاما .. و قال له هذا الرجل عاصر تصنيع هذا المحراث و أعتقد أنه عمل في أعطاله كثيرا .. قام صاحب المحراث بإستدعاء هذا الميكانيكي المسن و بالفعل جاء هذا الرجل ثم فتح الكبوت و طلب من صاحب المحراث محاولة التدوير و أدخل رأسه ناحية الموتور لكي يسمع جيدا .. ثم فتح شنطة المعدات و أخرج منها مطرقة صغيرة و ضرب ضربتان فقط ثم طلب منه إعادة محاولة التدوير .. تفاجأ و إندهش صاحب المحراث عندما إشتغل الموتور و قال له ماذا فعلت ؟؟ فقام الميكانيكي بإخراج فاتورة و كتب بها : فقط واحد يورور مقابل الطرقة و تسعة و تسعون يورو لمعرفة أين تطرق بالمطرقة *** قد أكون أطلت عليكم و لكن يجب عليك أن تعلم و يجب عليكي أن تعلمي - قد تكون خبرتك و علمك أفيد لموكلك من صعود و هبوط درج المحكمة مائة مره - قد تكون معلومة من عدة كلمات بسيطة تحصلت عليها نتيجة مجهود من البحث و الإطلاع و القراءة أفيد لموكلك من الوقوف على قدمك تترافع لمدة ساعة دون علم و عرفة *** الخلاصة : نحن لسنا عتالين حتى نقدر أتعابنا على قدر تعبنا .. المحامي علم و معلومة المحامي خبرة و خبير في معظم مجالات الحياة إياك و إياك أن تقلل من شأنك و من عملك و علمك و قيمتك منقول

9 people اعجبت بهذا