السلام عليكم.. دولة مصر .. ارجو قراءة حالتى باهتمام شديد .. الخطأ خطأ المعاينه الاولى و ليس خطئى انا استأجرت محل اعمله عيادة بيطرية فى منطقة شعبيه كلها ممارسه كهربا .. و من اول يوم ايجار طلبت معاينه لتحديد قيمه الممارسه .. و فعلا نزلى امين شرطة و عمل المعاينه و بقيت ادفع كل شهر من ٢٥٠ ل ٣٨٠ فالاربع شهور اللى فاتوا دول ( اللى أجرت فيهم محل ) و كانت شقه بالدور الارضى ولما سألتهم ليه كاتبينها شقة قالولى هى بتتكتب كدا و كل اللى يهمك ايصال الدفع و خلاص . من اسبوعين نزلى امين شرطة تانى عملى محضر سرقة تيار ، مع انه شاف ايصالات الدفع رحت سالت عالمحضر لقيته ب ٢٢ الف جنيه .... رحت قدمت تظلم فى شركة الكهرباء قبل اجازة العيد بيوم و لسه معرفش نتيجة التظلم ... انا لسه مأجر المكان من ٤ شهور و مجابش المكسب دا اصلا فالفترة دى عشان يطلبوا منى ٢٢ الف جنيه ...... لو سمحت ايه العمل القانونى لانهم رفضوا ياخدوا تمن الممارسه الشهر دا قبل ما ياخدوا ال ٢٢ الف جنيه .و على حسب كلامهم ان المحضر راح القسم من قبل ما نتيجة التظلم تبان اصلا .... و هما بصراحة محاضرهم وهميه و مش كل الفلوس بتدخل خزينه الدولة ..... ايه الاجراء القانونى ليا ؟؟و ايه اللى اقدمه فالنيابه لتعزيز موقفى فالقضية ؟. هو محل اصلا .. محل .. مش شقة ... بس امين الشرطة هو اللى كتبها شقه بعد المعاينه و قالى المحلات عندنا بتكتب شقة فالدور الارضى .... مفيش تفاهم مع شرطة مباحث الكهربا لانهم كل اللى يهمهم يلموا فلوس بالالوفات من الناس .... ايه وضعى القانونى او اللى اقدر اعمله عشان محضرهم يتلغى فالمحكمه؟؟

6 people اعجبت بهذا

Mostafa Abou Sokkar

عقد الايجار بتاع حضرتك مكتوب فيه محل ولا شقة ؟

اعجاب August 15, 2019

Mostafa Abou Sokkar

عامل ليه اثبات تاريخ ولا لأ ؟

اعجاب August 15, 2019

Vet-Saleh Ahmed Attallah

مكتوب فيه محل لغرض عيادة بيطرية و معموله اثبات تاريخ

اعجاب 1 August 15, 2019

Mostafa Abou Sokkar

حضرتك هتقدم الاوراق دى للظابط اللى ف المبارحث هيخفضلك المبلغ او تقدمه ف النيابة وبرده ممكن يخفضلك المبلغ فى كل الاحوال هتدفع لان حضرتك كان لازم تتمسك ان يتكتب ف الممارسة محل مش شقة

اعجاب August 15, 2019